სიახლეები
http://new.admin.kharagauli.ge/images/pdf_files/fcgkhmbnmvbnm.JPG
12/11/2018 15:39

ხარაგაულში მხატვართა კონკურსი - შემოდგომის პალიტრა გაიმართა

დღეს კინოთეატრის ფოიეში ახალგაზრდა მოყვარულ მხატვართა კონკურსის - „შემოდგომის პალიტრა“ გამარჯვებულების დაჯილდოება გაიმართა. კონკურსი ა(ა)იპ ,,სპორტისა და ტურიზმის განვითარების ცენტრის," მერიის კულტურის, განათლების, სპორტისა და ახალგაზრდობის საქმეთა სამსახურისა და საგანმანათლებლო რესურსცენტრის ორგანიზებით გაიმართა. ახალგაზრდა მოყვარულმა მხატვრებმა ნამუშევრები თავისუფალ თემებზე შეასრულეს. მათ ნამუშევრებს სპეციალურად შერჩეული ჟიური აფასებდა, რომლის შემადგენლობაში ჟუჟუნა კვანტრიშვილი, ზეინაბ ბუაჩიძე და გაიოზ შუბითიძე შედიოდნენ. ღონისძიებას ბაღდათი-ხარაგაულის მაჟორიტარი დეპუტატი, კობა ლურსმანაშვილი, საგანმანათლებლო რესურსცენტრისა და ადგილობრივი თვითმმართველობის წარმომადგენლები ესწრებოდნენ. კონკურსში ხარაგაულის მუნიციპალიტეტის 14 სკოლიდან 75 ახალგაზრდა იყო ჩართული. კონკურსის საპრიზო ადგილები შემდეგნაირად გადანაწილდა: I ადგილი - ანი კვინიკაძე (დაბის N3 საჯარო სკოლა); II ადგილი: ნათია ბურჯანაძე (დაბის N3 საჯარო სკოლა), თეონა ჭიპაშვილი და გიორგი გელაშვილი (წმინდა ანდრია პირველწოდებულის სახელობის გიმნაზია); III ადგილი: ნანა მდინარაძე (კიცხის საჯარო სკოლა), მართა გურგენიძე და მარიამ მდივნიშვილი (წმინდა ანდრია პირველწოდებულის სახელობის გიმნაზია). დაჯილდოვდნენ ასევე ყველაზე პატარა მონაწილეები: ილია კაპანაძე (ბაზალეთის საჯარო სკოლა), ელენე ხიჯაკაძე (N3 საჯარო სკოლა), ვაჩე კურტანიძე (წმიდა ანდრია პირველწოდებულის სახელობის გიმნაზია) და თამთა ხუჯაძე. ჟიურის სიმპათია გახდნენ: 1.ლუკა ყრუაშვილი (წმიდა ანდრია პირველწოდებულის სახელობის გიმნაზია) 2. ნინო შველიძე (წმიდა ანდრია პირველწოდებულის სახელობის გიმნაზია) 3. ლიკა იჩქიტიძე (წმიდა ანდრია პირველწოდებულის სახელობის გიმნაზია) 4. ელენე ბერაძე (წმიდა ანდრია პირველწოდებულის სახელობის გიმნაზია) 5. ლიზა ლაცაბიძე (წმიდა ანდრია პირველწოდებულის სახელობის გიმნაზია) 6. ქრისტინე ლაცაბიძე (წმიდა ანდრია პირველწოდებულის სახელობის გიმნაზია) 7. ლუკა ბერაძე (წმიდა ანდრია პირველწოდებულის სახელობის გიმნაზია) 8. მარიამ ფცქიალაძე (წმიდა ანდრია პირველწოდებულის სახელობის გიმნაზია) 9. მარიამ კოჩაძე (მარელისის საჯარო სკოლა) 10. ელენე ბუაჩიძე (N3 საჯარო სკოლა) 11. ქრისტინე ტაბატაძე (საღანძილის საჯარო სკოლა) 12. კესო იჩქიტიძე (N3 საჯარო სკოლა) 13. ლუკა ჯამაგიძე (მოლითის საჯარო სკოლა) 14. ანა მაისურაძე (N3 საჯარო სკოლა) 15. გიორგი კვინიკაძე (N2 საჯარო სკოლა). კონკურსის გამარჯვებულები ფასიანი საჩუქრებით და სიგელებით დაჯილდოვდნენ.      
სრულად
http://new.admin.kharagauli.ge/images/pdf_files/picture.jpg
09/11/2018 18:01

ხარაგაულის მერიაში ვაკანტურ ადგილებზე კონკურსები ცხადდება

ხარაგაულის მუნიციპალიტეტის მერიაში ვაკანტურ თანამდებობებზე გამოცხადებული კონკურსები დასრულდა. დახურული კონკურსის შედეგად მერიის ინფრასტრუქტურისა და კეთილმოწყობის სამსახურში, მეორე კატეგორიის უფროსი სპეციალისტი კეთილმოწყობისა და ტერიტორიის დასუფთავების საკითხებში, გიზო მიქიაშვილი, კარიერული წინსვლის პრინციპით, გადავიდა ამავე სამსახურში  ინფრასტრუქურის განვითარების განყოფილების პირველი კატეგორიის უფროსს სპეციალისტად ინფრასტრუქტურის საკითხებში.   ღია კონკურსის შედეგად ხარაგაულის მუნიციპალიტეტის მერიის ინფრასტრუქტურისა და კეთილმოწყობის სამსახურის, ინფრასტრუქტურის განვითარების განყოფილებაში მეოთხე რანგის პირველი კატეგორიის უმცროს სპეციალისტად ინფრასტრუქტურის საკითხებში, გიორგი სახვაძე დაინიშნა. გიორგი სახვაძე ამ დრომდე, მერიის სამხედრო აღრიცხვისა და გაწვევის სამსხურის მეოთხე რანგის მესამე კატეგორიის უმცროს სპეციალისტად პირველადი აღრიცხვის საკითხებში მუშაობდა.  ღია კონკურსში დარეგისტირებული იყო 8 აპლიკანტი, მათგან გასაუბრებაზე გამოცხადდა მხოლოდ სამი, რომელთაგან საუკეთესო საკონკურსო-საატესტაციო კომისიის შედეგად შეირჩა. გაცნობებთ, რომ ხარაგაულის მერიამ, დღეს, ვაკანტურ თანამდებობეზე კონკურსი ისევ გამოაცხადა.   1. ხარაგაულის მუნიციპალიტეტის მერიის ადმინისტრაციული სამსახურის მეორე კატეგორიის უმცროსი სპეციალისტი საარქივო საკითხებში - 1 ვაკანსია (ღია კონკურსი); 2. ხარაგაულის მუნიციპალიტეტის მერიის ადმინისტრაციული სამსახურის წარმომადგენელთა კოორდინაციის განყოფილების მესამე კატეგორიის უმცროსი სპეციალისტი მერის წარმომადგენლის ასისტენტი კიცხის ადმინისტრაციულ ერთეულში - 1 ვაკანსია (ღია კონკურსი); განაცხადების შევსების ვადა 18 ნოემბერს იწურება.
სრულად
http://new.admin.kharagauli.ge/images/pdf_files/_DSC0592.JPG
09/11/2018 16:47

ხარაგაულის მერს ახალი თანაშემწე ჰყავს

ლაშა გელაშვილი ხარაგაულის მუნიციპალიტეტის მერის, ნიკოლოზ თოფურიძის თანაშემწედ დღეს დაინიშნა. მერის თანაშემწის პოზიცია ვაკანტური მას შემდეგ გახდა, რაც შალვა ბენდიაშვილმა აღნიშნული პოზიცია საკუთარი განცხადების საფუძველზე დატოვა. ლაშა გელაშვილი 1991 წლის 16 იანვარს დაიბადა. დაამთავრა კავკასიის საერთაშორისო უნივერსიტეტი, ფინანსისტის სპეციალობით. 2013-2014 წლებში მუშაობდა სახელმწიფო აუდიტის სამსახურში აუდიტორ-სტაჟიორად.    2015-2017 წლებში ხარაგაულის მუნიციპალიტეტის საკრებულოს თავმჯდომარის თანაშემწის პოსტს იკავებდა. ახალ თანამდებობაზე ლაშა გელაშვილი მუშაობას 11 ნოემბრიდან შეუდგება. მერის თანაშემწის პოსტზე გამარტივებულ კონკურსში 25 აპლიკანტი დარეგისტრირდა, მათგან გასაუბრებაზე მხოლოხ ხუთი გამოცხადდა. 
სრულად
http://new.admin.kharagauli.ge/images/dfhbfghfghfghb.JPG
09/11/2018 15:27

მაღალმთიან დასახლებაში მცხოვრებთა სტატუსის მართვის საბჭოს სხდომა გაიმართა

ხარაგაულის მუნიციპალიტეტის მერიაში მაღალმთიან დასახლებაში მცხოვრებთა სტატუსის მართვის საბჭოს რიგითი სხდომა გაიმართა. საბჭომ განიხილა მოქალაქეთა განაცხადებები – მაღალმთაინ დასახლებაში მუდმივად მცხოვრები პირის სტატუსის მინიჭების თაობაზე.  მაღალმთიან დასახლებაში მცხოვრებთა სტატუსის მართვის საბჭო განიხილავს ინდივიდუალურ განცხადებებს და გასცემს რეკომენდაციებს მაღალმთიან დასახლებაში მუდმივად მცხოვრები პირის სტატუსის მინიჭებისა და შეწყვეტის თაობაზე. საბოლოო გადაწყვეტილებას ხარაგაულის მუნიციპალიტეტის მერი იღებს და გამოსცემს შესაბამის ინდივიდუალურ ადმინისტრაციულ სამართლებრივ აქტს. მაღალმთიან დასახლებაში მცხოვრებთა სტატუსის მართვის საბჭოს სხდომის ოქმი იხილეთ ბმულზე            
სრულად
http://new.admin.kharagauli.ge/images/_DSC0153_1.JPG
08/11/2018 17:12

   შემოდგომის ზეიმი ხარაგაულის გიმნაზიაში

  ხარაგაულის მუნიციპალიტეტის წმინდა ანდრია პირველწოდებულის სახელობის გიმნაზიის მოსწავლეებმა შემოდგომა ზეიმით გააცილეს. „შემოდგომის ზეიმი“ სკოლის ეზოში გაიმართა. ყველა კლასმა ბარაქიანი შემოდგომის მრავალფეროვნება წარმოადგინა. მოსწავლეებმა, პედაგოგების ხელმძღვანელობით, შემოდგომის ნობათი გამოფინეს და ჩურჩხელები ამოავლეს. ასევე, იყო გამოფენილი მოსწავლეთა ნამუშევრებიც. ზეიმზე  საგალობლები და ქართული ხალხური სიმღერები წარმოადგინეს გიმნაზიის გოგონათა გუნდმა (ხელმძღვანელი, თორნიკე ბაკურაძე). გიმნაზიის აღსაზრდელებმა  ასევე  შეასრლეს შემოდგომაზე მიძღვნილი ლექსები და ქართული ტრადიციული ცეკვები. საგალობლები წარმოადგინეს გიმნაზიის პედაგოგებმა: თორნიკე ბაკურაძემ, ზეინაბ ბუაჩიძემ, ლაურა მანაგაძემ და დალი ხარატიშვილმა.  პედაგოგმა ზეინაბ ბუაჩიძემ დამსწრე საზოგადოებას გააცნო გიმნაზიის მოსწავლეთა წარმატებები, რომლებიც სხვდასხვა ოლიმპიადებსა და ინტელექტუალურ შეჯიბრებებში დაიმსახურეს.   შემოდგომის ზეიმს ესწრებოდა მარგვეთისა და უბისის ეპისკოპოსი მეუფე მელქისედეკი (ხაჩიოძე)  ეპარქიის სასულიერო პირებთან ერთად. მეუფე მელქისედეკმა დალოცა გიმნაზიის პედაგოგები, მოსწავლეები,  მშობლები და სრულიად საქართველო და მომავალ თაობას თავისუფალ და ძლიერ საქართველოში ცხოვრება უსურვა.
სრულად
http://new.admin.kharagauli.ge/images/sdfgdfghdgh.jpg
08/11/2018 16:00

მერია დაბის ტერიტორიაზე სანიაღვრე არხების მოწყობას ითხოვს

ხარაგაულის მუნიციპალიტეტის მერიის ინფრასტრუქტურისა და არქიტექტურის სამსახურების თანამშრომლებმა, ძირულა-ხარაგაული-მოლითის დამაკავშირებელი გზის ზედამხედველი კომპანიის წარმომადგენლებთან ერთად, დაბა ხარაგაულის ტერიტორიაზე სანიაღვრე არხები დაათვალიერეს.  იქედან გამომდინარე, რომ ზემოთ აღნიშნული შიდასახელმწიფოებრივი მნიშვნელობის 25 კმ-იანი გზის მშენებლობა უკვე დაიწყო, მუნიციპალიტეტის მერიამ მიზანშეწონილად მიიჩნია, რეაბილიტაციის პარალელურად, დაბის ტერიტორიაზე სანიაღვრე არხების მოწყობა და ამის შესახებ ინფრასტრუქტურის სამინისტროს წერილობით მიმართა.  თავის მხრივ, წერილობითი მოთხოვნის საფუძველზე, სამინისტრომ საკითხის შესწავლის მიზნით, გზის მშენებლობის ზედამხედველ კომპანიას მიმართა, რომელთა წარმომადგენლებმაც, დღეს, მერიისა და საკრებულოს თანამშრომლებთან ერთად, ადგილზე შეისწავლეს არსებული მდგომარეობა.  დაათვალიერეს, ასევე, მდინარე „ჯიხველასა“ და „რახიელაზე“ არსებული ხიდები. აღნიშნეს, რომ რახიელას ღელეზე არსებული ხიდის რეაბილიტაცია, რომელიც რამდენიმე ხნის წინ ჩინურმა კომპანიამ დაამონტაჟა, ახალ პროექტში კვლავ გათვალისწინებულია. პროექტის ზედამხედველები და ინფრასტრუქტურის სამინისტრო ერთობლივად განიხილავენ საკითხს და გადაწყვეტილების შესახებ მერიას უახლოეს მომავალში აცნობებენ.
სრულად
http://new.admin.kharagauli.ge/images/dxfgjhghjmvbnm.JPG
07/11/2018 16:45

ნიკოლოზ თოფურიძე რკინიგზის დეპარტამენტის  წარმომადგენლებს შეხვდა

ხარაგაულის მუნიციპალიტეტის მერი, ნიკოლოზ თოფურიძე 10 დღის წინ, ზვარეში, ჩიტაძეების უბნის მოსახლეობას შეხვდა. მუნიციპალიტეტის მერი სარკინიგზო მაგისტრალის მშენებლობის დროს წარმოქმნილ პრობლემებს გაეცნო და მოსახლეობას დაპირდა, რომ დაუყოვნებლივ აცნობებდა ამ მდგომარეობას რკინიგზის დეპარტამენტს. დღეს ნიკოლოზ თოფურიძემ დეპარტამენტისა და ჩინეთის რკინიგზის 23-ე ბიუროს  წარმომადგენლებთან ერთად ადგილზე შეისწავლა იმ ოჯახების მდგომარეობა, რომლებიც აფეთქებების შედეგად სახლების დაბზარვას და ეზოებში ქვათა ცვენას უჩივიან.    საქართველოს რკინიგზის დეპარტამენტის პროექტების ხელმძღვანელის, გიორგი ზაზაშვილის ინფორმაციით,  კონტრაქტორ ჩინურ კომპანიასთან ერთად უმოკლეს დროში განიხილავენ საკითხს და აცნობებენ მოსახლეობას. მუნიციპალიტეტის მერის განცხადებით, იგი უშუალოდ გააკონტროლებს პროცესს და ბოლომდე იქნება ჩართული ამ საქმეში, რათა მოსახლეობის უსაფრთხოების ზომები მაქსიმალურად იქნას დაცული.
სრულად
http://new.admin.kharagauli.ge/images/djhfhkgjhk.jpg
07/11/2018 10:51

ხარაგაულის „ეტალონი მოსწავლე 2018“ საბა ებანოიძე გახდა

6 ნოემბერს ხარაგაულში ინტელექტ-ჩემპიონატი „ეტალონი“ ჩატარდა. „ხარაგაულის ეტალონი მოსწავლე“ წმიდა ანდრია პირველწოდებულის სახელობის გიმნაზიის მე-10 კლასის მოსწავლე საბა ებანოიძე (76 ქულით) გახდა. მეორე ადგილი თეიმურაზ მაღლაკელიძემ (ზვარეს საჯარო სკოლა, მე-9 კლასი) მოიპოვა, ხოლო მესამე ადგილზე სალომე რიკაძე (ბორითის საჯარო სკოლა, მე-11 კლასი) გავიდა.  საგანმანათლებლო პროექტი ხარაგაულის კინოთეატრში გაიმართა და მას პროექტის ავტორი, გოჩა ტყეშელაშვილი უძღვებოდა. წელს ეტალონში 73 მოსწავლე მონაწილეობდა, რომლებიც სკოლებში ჩატარებული ტესტირებების შედეგად შეირჩნენ.  მნიშვნელოვანია, რომ წელს, პირველად, ხარაგაულის მუნიციპალიტეტის მერის, ნიკოლოზ თოფურიძის, ინიციატივით პირველი სამი ადგილის მფლობელ მოსწავლეებს ფულადი ჯილდო გადაეცემათ. როგორც ღონისძიებაზე ხარაგაულის მუნიციპალიტეტის მერის პირველმა მოადგილემ, არჩილ მაღრაძემ განაცხადა „ხარაგაულის ეტალონ მოსწავლეს“ - 800 ლარი, მეორე ადგილის მფლობელს - 600 ლარი, ხოლო მესამე ადგილზე გასულ მოსწავლეს - 500 ლარი გადაეცემა.  შეჯიბრის გამარჯვებული „ხარაგაულის ეტალონი მოსწავლე“ საბა ებანოიძე, 2019 წლის ივნისში, ეროვნულ ინტელექტ-ჩემპიონატის გრანდიოზულ ფინალში მიიღებს მონაწილეობას. გთავაზობთ ინტელექტ-ჩემპიონატის ყველაზე მაღალქულიანი მოსწავლეების რეიტინგს: ხარაგაულის ეტალონი მოსწავლე - საბა ებანოიძე, წმიდა ანდრია პირველწოდებულის სახელობის გიმნაზიის მეათე კლასი, 76 ქულა; თემიკო მაღლაკელიძე - ზვარეს საჯარო სკოლა, მეცხრე კლასი, 70 ქულა; სალომე რიკაძე - ბორითის საჯარო სკოლა, მეთერთმეტე კლასი, 69 ქულა; ნინო შველიძე - წმიდა ანდრია პირველწოდებულის სახელობის გიმნაზია, მეთერთმეტე კლასი, 69 ქულა; დიანა ლომსაძე - ლაშის საჯარო სკოლა, მეთერთმეტე კლასი, 69 ქულა; მარიამ მანჯავიძე - წმიდა ანდრია პირველწოდებულის სახელობის გიმნაზია, მეათე კლასი, 69 ქულა; ცოტნე თიკანაშვილი - ზვარეს საჯარო სკოლა, მეცხრე კლასი, 67 ქულა; ნანუკა წიწილაშვილი - ბორის საჯარო სკოლა, მეცხრე კლასი, 67 ქულა; ნიკა ძიძიგური - ლაშის საჯარო სკოლა, მეთერთმეტე კლასი, 64 ქულა. გოჩა ტყეშელაშვილმა ინტელექტ-ჩემპიონატის დაწყებამდე  „2017-2018 სასწავლო წლის ხარაგაულის ეტალონ მოსწავლეს“, ლიზა ბარბაქაძეს გამარჯვება კიდევ ერთხელ მიულოცა და სკოლის ღირსეული წარმოჩენისთვის ოქროს ფონდის წევრობის დამადასტურებელი დიპლომი გადასცა. მის მშობლიურ ხარაგაულის N2 საჯარო სკოლას კი - დიპლომი „ეტალონი მოსწავლის“ აღზრდისთვის.   ინტელექტ-ჩემპიონატი შემოქმედებითი ნომრებით გააფორმა ხარაგაულის მოსწავლე-ახალგაზრდობის სახლის მომღერალ გოგონათა გუნდმა (პედაგოგი დარეჯან გვაძაბია). ღონისძიებას ხარაგაულისა და ბაღდათის მაჟორიტარი დეპუტატი, კობა ლურსმანაშვილი, ხარაგაულის მუნიციპალიტეტის მერის მოადგილე არჩილ მაღრაძე, ხარაგაულის მუნიციპალიტეტის საკრებულოს თავმჯდომარე მანანა ბარბაქაძე, ხარაგაულის საკრებულოს განათლების, კულტურისა და ახალგაზრდულ საქმეთა კომისიის თავმჯდომარე დავით კიკნაძე, ხარაგაულის რესურსცენტრის უფროსი მარინა ვეფხვაძე, სკოლის დირექტორები, მასწავლებლები, მოსწავლეები და მათი მშობლები დაესწრნენ.  
სრულად
http://new.admin.kharagauli.ge/images/dcjhcfxvbgncxvb_1.JPG
05/11/2018 09:39

საკრებულომ მერიის ჯანდაცვისა და სოციალური დაცვის სამსახურის ანგარიში მოისმინა

დღეს ხარაგაულის მუნიციპალიტეტის საკრებულომ მერიის ჯანდაცვისა და სოციალური დაცვის სამსახურის მიერ გაწეული მუშაობის შესახებ 9 თვის ანგარიში მოისმინა, რომელიც ამავე სამსახურის უფროსმა, ნანა კიკნაძემ წარადგინა. ნანა კიკნაძის ინფორმაციით, ხარაგაულის მერია ჯანდაცვისა და სოციალური დაცვის მიმართულებით 6 ძირითად პროგრამასა და 17 ქვეპროგრამას ახორციელებს. 9 თვის მონაცემებით, სოციალურ მიმართულებებზე მუნიციპალიტეტის ბიუჯეტიდან სულ 434 800 ლარია გაცემული, აღნიშნული თანხით დახმარება 1 789 ბენეფიციარს გაეწია. ნანა კიკნაძემ, ასევე, ვრცელი ინფორმაცია წარმოადგინა ა(ა)იპ „სათნოების სახლისა“ და „საზოგადოებრივი ჯანდაცვის ცენტრის“ მიერ გაწეული მომსახურებების შესახებ. საკითხის განხილვას საკრებულოს უმრავლესობასა და ოპოზიციონერ დეპუტატ თორნიკე ავალიშვილს შორის დებატები მოჰყვა. დეპუტატი, ჯამბულ გამცემლიძე მნიშვნელოვნად მიიჩნევს მომავალ წელს ერთჯერადი დახმარებების პროგრამის გაგრძელების საკითხს. დეპუტატის აზრით, ხარაგაულის მუნიციპალიტეტში მოსახლეობის დიდ ნაწილი ეკონომიურად გაჭირვებულია და ასეთი ოჯახებისთვის მცირედი დახმარებაც კი შვება იქნება. როგორც ნანა კიკნაძემ განმარტა, ერთჯერადი დახმარებების პროგრამა მიმდინარე წლის ბიუჯეტშიც იყო ასახული, თუმცა სამედიცინო მომსახურებებზე მოქალაქეთა მხრიდან მაღალი მომართვიანობის გამო, ერთჯერადი დახმარებები თითქმის არ გაცემულა. საკრებულოს განათლების, კულტურის, სპორტისა და ახალგაზრდულ საქმეთა კომისიის თავმჯდომარის, დავით კიკნაძის თქმით, სოციალურ პროგრამებს 103 000 ლარი დააკლდა. მისივე განმარტებით, მერიის მხრიდან იყო დაპირება, რომ სოციალური მიმართულებებით თანხების დამატება მოხდებოდა, თუმცა ეს დაპირება ვერ შესრულდა. საკრებულოს ოპოზიციონერი დეპუტატის, თორნიკე ავალიშვილის განცხადებით, მიმდინარე წელს ერთჯერადი დახმარებები, რომ ვერ გაიცა, ეს საკითხი საკრებულოს უმრავლესობის წევრებს უფრო ანდრე უნდა გახსენებოდათ. საკრებულოს საფინანსო-საბიუჯეტო კომისიის თავმჯდომარის, ვარლამ ჭიპაშვილის თქმით სამსახური პირნათლად ასრულებს დაკისრებულ უფლება-მოვალეობებს, თუმცა სათანადო ხელშეწყობა არ აქვთ იმისა, რომ მათი მუშაობა უფრო ეფექტური იყოს. გამომდინარე აქედან, ვარლამ ჭიპაშვილმა ანგარიშის შეფასებაში მონაწილეობა არ მიიღო. ანგარიში არ შეაფასეს ასევე, საკრებულოს „ერთიანი ნაციონალური მოძრაობის“ წევრებმა.  დეპუტატთა უმრავლესობამ კი, ჯანდაცვისა და სოციალური დაცვის სამსახურის საქმიანობა დადებითად შეაფასა. სხდომაზე ეკონომიკისა და ქონების მართვის სამსახურის უფროსმა, ჯაბა ბერაძემ საპრივატიზაციო ობიექტთა ნუსხა წარადგინა. მისი განმარტებით, საპრივატიზაციო ობიექტთა ნუსხას დაემატა სოფელ თეთრაწყაროში არსებული 2 830 კვ.მ არასასოფლო-სამეურნეო მიწის ფართი, რომელიც შეფასებულია 8 200 ლარად. ასევე, დაბა ხარაგაულში სოლომონ მეფის N105 მდებარე 6 579 კვ.მ არასასოფლო სამეურნეო დანიშნულების მიწის ფართი და მასზე მდგარი შენობა-ნაგებობა (შეფასებულია 66 000 ლარად) და სოფელ საღანძილეშია არსებული რკინის მილები საერთო სიგრძით 286 მ. (შეფასებულია 10 ათასი ლარად). საპრივატიზაციო ობიექტთა ნუსხასთან დაკავშირებით, დეპუტატმა ოთარ ლურსმანაშვილმა გამოთქვა შენიშვნები. მისი განცხადებით, თეთრაწყაროში მიწის ფართისა და სოლომონ მეფის N105 მდებარე(ყოფილი ვეტ.პუნქტი) შენობა-ნაგებობის გასხვისების საკითხს არ აქვს კომისია გავლილი. დეპუტატი ასევე განმარტავს, რომ აღნიშნული საპრივატიზაციო ობიექტების გასხვისება არ არის მოსახლეობასთან შეთანხმებული. დეპუტატი თემურ ფცქიალაძე აღნიშნავს, რომ სოლომონ მეფის N105 მდებარე შენობა-ნაგებობა არ უნდა გასხვისდეს. მისი აზრით, აღნიშნულ ქონებას უნდა ჩაუტარდეს რეაბილიტაცია, რომელიც შეიძლება შემდგომში გამოყენებული იყოს სოციალურ საცხოვრისად მუნიციპალიტეტში უსახლკაროდ დარჩენილ ოჯახებისთვის. ეკონომიკისა და ქონების მართვის სამსახურის, უფროსის ჯაბა ბერაძის თქმით შენობაში ჩამოდის წყალი, დღითიდღე ზიანდება და თუ დროულად არ მოხერხდა შენობის გასხვისება, ან შეკეთება შეიძლება ობიექტის საპრივატიზაციო თანხის საწყისი ღირებულებამ დაიკლოს. დეპუტატი ინგა მაღრაძე მიიჩნევს, რომ მუნიციპალიტეტში ბიზნეს სექტორის განვითარებას ხელი უნდა შეუწყოს ადგილობრივმა ხელისუფლებამ, თუმცა ამით მოსახლეობის უფლებები არ უნდა შეიზღუდოს. აღნიშნული ორი საკითხი გადაიდო მომავალ სხდომაზე განსახილველად. სხდომაზე ასევე განხილული იყო შემდეგი საკითხები: 1. არასამეწარმეო (არაკომერციული) იურიდიული პირის „დასუფთავებისა და კეთილმოწყობის გაერთიანებისათვის“ ხარაგაულის მუნიციპალიტეტის ბალანსზე რიცხული ქონების უსასყიდლო უზუფრუქტის წესით უვადოდ გადაცემის თაობაზე ხარაგაულის მუნიციპალიტეტის მერისთვის თანხმობის მიცემის შესახებ მომხს: ჯაბა ბერაძე 2 .ხარაგაულის მუნიციპალიტეტის საკრებულოს 2018 წლი 04 ივნისის N 27 დადგენილებაში „ხარაგაულის მუნიციპალიტეტის საკრებულოსა და მერიის საჯარო ინფორმაციის ელექტრონული ფორმით მოთხოვნისა და პროაქტიული გამოქვეყნების წესის დამტკიცების შესახებ“ ცვლილების შეტანის თაობაზე მომხს: ოთარ ლურსმანაშვილი 3. ხარაგაულის მუნიციპალიტეტის საკრებულოს 2014 წლის 14 ივლისის #11 დადგენილებაში ,,ხარაგაულის მუნიციპალიტეტის საკრებულოს დებულების ( რეგლამენტის) დამტკიცების შესახებ“ ცვლილების შეტანის თაობაზე.
სრულად
http://new.admin.kharagauli.ge/images/_DSC0030.JPG
02/11/2018 16:17

ხარაგაულში ახალგაზრდა მოყვარულ მხატვართა კონკურსი გაიმართა

ახალგაზრდა მოყვარულ მხატვართა კონკურსი „შემოდგომის პალიტრა“, ხარაგაულის სპორტულ დარბაზში ჩატარდა. კონკურსში 10-დან 18 წლამდე ასაკის ახალგაზრდები მონაწილეობდნენ და ხატვის დრო  4 საათით განისაზღვრა.   მოყვარულმა მხატვრებმა კონკურსის დაწყების წინ 3 თემიდან სასურველი აირჩიეს. ნამუშევრები სპეციალურად დაკომპლექტებულმა კომპეტენტურმა ჟიურიმ უნდა შეაფასოს. შედეგები ერთი კვირის ვადაში გახდება ცნობილი.   პროექტის ორგანიზატორია ხარაგაულის „სპორტისა და შიდა ტურიზმის ცენტრი". მხარდამჭერია ხარაგაულის საგანმანათლებლო რესურსცენტრი და ხარაგაულის მერიის კულტურის, განათლების, სპორტისა და ახალგაზრდობის საქმეთა სამსახური. 
სრულად