სიახლეები
http://new.admin.kharagauli.ge/images/gazeTis/DCGHKVHCMNCB.jpg
21/01/2019 14:23

ხარაგაული - „სუფთა მუნიციპალიტეტი“

 2018 წლის შედეგების მიხედვით, ხარაგაულის მუნიციპალიტეტს, ქალაქ თბილისში გამართულ კონკურსზე „სუფთა რეგიონი“, სპეციალური კომისიის გადაწყვეტილებით, ნომინაციაში „სუფთა მუნიციპალიტეტი“ წამახალისებელი სიგელი გადაეცა. დაჯილდოების ცერემონიალს ხარაგაულის მერი, ნიკოლოზ თოფურიძე, მერიის ეკონომიკისა და ქონების მართვის სამსახურის უფროსი, ჯაბა ბერაძე და ხარაგაულის დასუფთავებისა და კეთილმოწყობის გაერთიანების დირექტორი, თემურ ფურცელაძე დაესწრნენ.   კონკურსი - ყველაზე სუფთა რეგიონი, სუფთა მუნიციპალიტეტი, სუფთა ქალაქი/დაბა, სუფთა სოფელი/თემი, სუფთა ქუჩა, ლამაზი ეზო და ლამაზი აივანი ქვეყნის მასშტაბით, პარლამენტის გარემოს დაცვისა და ბუნებრივი რესურსების კომიტეტის ორგანიზებით, მწვანეთა მოძრაობა/დედამიწის მეგობრები-საქართველოს ინიციატივით და გარემოს დაცვისა და სოფლის მეურნეობის სამინისტროს მხარდაჭერით ჩატარდა.            
სრულად
http://new.admin.kharagauli.ge/images/gazeTis/XCVBXCVNBX_1.jpg
21/01/2019 13:08

საერთო კრებები 1 თებერვალს დაიწყება და 28 თებერვალს დასრულდება

ხარაგაულში სოფლის მხარდაჭერის პროგრამის ფარგლებში აქტიური მუშაობა მიმდინარეობს. პროგრამის ფარგლებში, ხარაგაულის სოფლებში მოსახლეობის მიერ იდეების შემუშავების პროცესი დასრულდა.  ადმინისტრაციულ ერთეულებში მერის წარმომადგენლებმა საპროექტო წინადადებები დღეს წარმოადგინეს.  საერთო კრებების ჩატარება მუნიციპალიტეტის სოფლებში 1 თებერვალს დაიწყება და 28 თებერვალს დასრულდება.          
სრულად
http://new.admin.kharagauli.ge/images/gazeTis/dfxgfdghjngh.jpg
21/01/2019 12:54

2017 წლის წარმატებულ მოსწავლეებს მედლები გადაეცათ

ხარაგაულელ მოსწავლეებს, რომელთაც სასწავლო წელი 2017 წელს დაამთავრეს ოქროს და ვერცხლის მედლები გადაეცათ.  საგანმანათლებლო რესურსცენტრში დაჯილდოების ცერემონიალს ხარაგაულის მუნიციპალიტეტის მერი, ნიკოლოზ თოფურიძე დესწრო. მერმა მუნიციპალიტეტის მასშტაბით 19 წარჩინებულ მოსწავლეს, რომელთა უმრავლსეობაც უკვე სტუდენტია დიდი გამარჯვება მიულოცა, წარმატებები უსურვა და აღნიშნა, რომ ქვეყნის შინაგანი კულტურა განათლებაზეა დამოკიდებული.  2016-2017 სასწავლო წელს ხარაგაულში 14 ოქროს და 5 ვერცხლის მედალოსანი მოსწავლე გამოვლინდა.        
სრულად
http://new.admin.kharagauli.ge/images/_DSC0503.JPG
18/01/2019 13:21

ნიკოლოზ თოფურიძემ ხარაგაულის მოსახლეობას ანგარიში ჩააბარა

ხარაგაულის მერმა, ნიკოლოზ თოფურიძემ, მოსახლეობას 2018 წელს გაწეული მუშაობისა და სამომავლო გეგმების შესახებ ანგარიში ჩააბარა. მერმა მუნიციპალიტეტის მთავარ პროექტებზე და პრიორიტეტულ მიმართულებებზე ისაუბრა და აღნიშნა, რომ მიუხედავად პრობლემებისა, ხარაგაულს აღებული აქვს განვითარების მკაფიოდ გამოხატული კურსი და ნაბიჯ-ნაბიჯ მიიწევს წინ. „არასდროს მითქვამს, რომ პრობლემები არ რის და ყველაფერი კარგადაა, არ გავურბივართ პასუხისმგებლობას, რომელიც გვაქვს აღებული. ხელისშემშლელი ფაქტორებით, მაგრამ მაინც წარმატებით ხორციელდება პროექტი „გზა ყველა სოფელს“ და ჩვენ მივიღეთ კიდეც სურათი, ბოლო ორი წლის განმავლობაში 50-მდე სოფლის მობეტონებული გზა. 2018 წელს დავიწყეთ და წელსაც სრული დატვირთვით გაგრძელდება პროექტი „წყალი ყველა სოფელს“. სოციალური მიმართულებით, ოპერაციების თანადაფინანსებაზე მაღალი მომართვიანობის გამო ერთჯერადი დახმარებები ვერ გავეცით. ვიცით, რომ ეს ძალიან ცუდია და ამიტომ გავზარდეთ სოციალური ბიუჯეტი 2019 წელს. დაუსრულებელ ინფრასტრუქტურულ პროექტებთან დაკავშიებით რომ პრობლემებია, ამაზე მუდმივად ვსაუბრობთ და ეს პრობლემები ბევრ მუნიციპალიტეტშია. ამ საკითხზე აქტიურად ვთანამშრომლობთ სამხარეო ადმინისტრაციასთან, დავსხედით კიდეც მოლაპარაკებების მაგიდასთან, რომელშიც მეწარმეებიც მონაწილეობდნენ. ვფიქრობთ, რომ ხარაგაულში ახლა მიმდინარე პროექტები, მარტში უკვე დასრულებული იქნება“- აღნიშნა ნიკოლოზ თოფურიძემ. მერმა ანგარიშის წარდგენის დროს ვრცლად ისაუბრა ხარაგაულის კულტურულ ცხოვრებაზე და აღნიშნა, რომ ხარაგაული არის ნიჭის ბუდე და კულტურული ცხოვრების კიდევ უფრო მაღალ დონზე წარმოჩენისთვის ამ სფეროს ყველაზე დიდი ხელშეწყობა ჭირდება.    ნიკოლოზ თოფურიძემ ერთი წლის ანგარიში პრეზენტაციის სახით წარუდგინა ხარაგაულის მოსახლეობას, სადაც მოკლედ მიმოიხილა მერიის სამსახურების საქმიანობა. ხაზი გაუსვა ახალგაზრდების დასაქმებას და მათ ეფექტიან ჩართულობას მართვაში. მოხსენებითი ნაწილის დასრულების შემდეგ შეხვედრა კითხვა-პასუხის რეჟიმში წარიმართა. მერმა დარბაზიდან დასმულ ყველა შეკითხვას უპასუხა, რომლებიც, ძირითადად, მოსახლეობის მხრიდან დაბაში არსებულ პრობლემებს შეეხებოდა. ხარაგაულის მერი წლიური ანგარიშის ჩაბარებას ადმინისტრაციულ ერთეულებში 22 იანვრიდან დაიწყებს.
სრულად
http://new.admin.kharagauli.ge/images/_DSC0546.JPG
18/01/2019 12:39

15 პროექტი ხარაგაულში, რომელიც 3 670 000 ლარით დაფინანსდა

  18 იანვარს ხარაგაულის მუნიციპალიტეტის საკრებულოს  რიგგარეშე სხდომაზე საბიუჯეტო ცვლილება განიხილეს, რომელიც რეგიონებში განსახორციელებლი პროექტების ფონდიდან თანხის გამოყოფის შედეგად განხორციელდა. საკითხი საფინანსო-საბიუჯეტო სამსახურის უფროსმა, ვლადიმერ გელაშვილმა წარადგინა.  ვლადიმერ გელაშვილის განცხადებით, ხარაგაულის მუნიციპალიტეტს, საქართველოს მთავრობის განკარგულებით, რეგიონებში განსახორციელებელი პროექტების ფონდიდან გზების რეაბილიტაციისთვის   3 670 000 ლარი გამოეყო.  საფინანსო-საბიუჯეტო სამსახურის უფროსმა ასევე განმარტა, რომ საჭიროა გასული წლის ნაშთის-3 962 966   ლარის 2019 წლის ბიუჯეტის ხარჯებში მიმართვა. ზემოთ აღნიშნული საბიუჯეტო ცვლილებების თანახმად 2019 წლის ბიუჯეტის შემოსულობები გაიზარდა 3 670 000  ლარით და განისაზღვრა 11 395 800 ლარით, ხოლო ხარაგაულის მუნიციპალიტეტის  2019 წლის ბიუჯეტის გადასახდელები გაიზარდა 7 632 966 ლარით და განისაზღვრა  15 358 766    ლარით. საკითხის განხილვისას საკრებულოს წევრებმა: ინგა მაღრაძემ, დავით კიკნაძემ, ვარლამ ჭიპაშვილმა და გია თავზარაშვილმა შენიშვნები გამოთქვეს. მათი განცხადებით რეგიონული განვითარების ფონდიდან გამოყოფილი 3 670 000 ლარი არ ითვალისწინებს იმ პროექტების სრულად განხორციელებას, რომელიც საკრებულომ მოიწონა.  დეპუტატები, აღნიშნავენ, რომ მერია თავისი შეხედულებით წყვეტს, რომელი პროექტი უნდა განხორციელდეს და არ ითვალისწინებს არც საკრებულოს და არც ხალხის ინტერესებს. მერის პირველი მოადგილე არჩილ მაღრაძე, რომელიც საკრებულოს რიგგარეშე სხდომას ესწრებოდა, დეპუტატების ბრალდებას არ დაეთანხმა და აღნიშნა, რომ ნებისმიერი პროექტის განხორციელება ხალხის ინტერესების გათვალისწინებით ხდება და ყველა მათგანი ხარაგაულის მოსხლეობისთვის კეთდება. მაღრაძის განცხადებით, მერიამ იმ ინფრასტრუქტურის სამინისტროში საკრებულოს მიერ მოწონებული 41 პროექტიდან გადააგზავნა - 20, რომლებიც უკვე  დაპროექტებული და ექსპერტიზა  გავლილი იყო.  20 პროექტიდან ინფრასტრუქტურის სამინისტრომ კი, მხოლოდ 15 მათგანის განხორციელებისთვის გამოყო 3 670 000 ლარი. როგორც მერის პირველი მოადგილე განმარტავს, მერიის ინფრასტრუქტურის სამსახურს უკვე დაწყებული აქვს ახალი პროექტების შეძენა და დაფინანსების მეორე ეტაპზე  მოხდება დანარჩენი მოწონებული ინფრასტრუქტურული პროექტების დაფინანსებაც.   იხ. პროექტების ჩამონათვალი     
სრულად
http://new.admin.kharagauli.ge/images/sdgfhfhjcghn.jpg
16/01/2019 17:29

პრემიერა - „ინდაური ინდიკოს საახალწლო თავგადასავალი“ ხარაგაულში

დღეს ხარაგაულის ოთარ აბაშიძის სახელობის სახალხო თეატრმა პრემიერა გამართა. სპექტაკლი „ინდაური ინდიკოს საახალწლო თავგადასავალი“ ირაკლი სამსონაძის პიესის მიხედვით, ირინე ჩხეიძის რეჟისორობით დაიდგა და ქართული თეატრის დღეს მიეძღვნა. პრემიერას ხარაგაულის მუნიციპალიტეტის მერი, ნიკოლოზ თოფურიძე ადგილობრივი თვითმმართველობის წარმომადგენლებთან ერთად ესწრებოდა. სპექტაკლმა ანშლაგით, მხურვალე აპლოდისმენტების ფონზე ჩაიარა.  სპექტაკლში მონაწილეობენ: ინდაური ინდიკო - დავით ჭყოიძე თოვლის პაპ - ნიკოლოზ წიკლაური ბაბალე - ლუიზა კიკნაძე  კომბლე - გიორგი ჭიპაშვილი ცხვარი - მაია ბერაძე მგელი - ვასილ კიკნაძე მელია კუდაგრძელია - ლია ჭიპაშვილი ნაცარქექია - გიორგი მაქაძე დევი - ბექა ხიჯაკაძე მხატვარი - გაიოზ შუბითიძე გრიმი - ლია თაბუკაშვილი მუს.ოპერატორი - დავით კვირიკაშვილი განათება - ირაკლი შარიქაძე ტექნიკური მხარე -ზაზა ტაბატაძე, ავთო კვირიკაშვილი, ბათუ კიკნაძე  
სრულად
http://new.admin.kharagauli.ge/images/dfghdcgjfghj.JPG
16/01/2019 16:06

ბიუროს სხდომაზე საბიუჯეტო ცვლილება განიხილეს

  16 იანვარს ხარაგაულის მუნიციპალიტეტის საკრებულოს ბიუროს რიგგარეშე სხდომაზე საბიუჯეტო ცვლილება განიხილეს. საკითხი მერიის საფინანსო-საბიუჯეტო სამსახურის უფროსმა, ვლადიმერ გელაშვილმა წარადგინა.  ვლადიმერ გელაშვილის განცხადებით, ხარაგაულის მუნიციპალიტეტს, საქართველოს მთავრობის განკარგულებით, რეგიონებში განსახორციელებელი პროექტების ფონდიდან გზების რეაბილიტაციისათვის   3 670 000 ლარი გამოეყო.   საფინანსო-საბიუჯეტო სამსახურის უფროსმა ასევე განმარტა, რომ საჭიროა გასული წლის ნაშთის - 3 962 966   ლარის 2019 წლის ბიუჯეტის ხარჯებში მიმართვა. ზემოთ აღნიშნული საბიუჯეტო ცვლილებების თანახმად 2019 წლის ბიუჯეტის შემოსულობები 7 725 800 ლარი   გაიზარდა  3 670 000  ლარით და განისაზღვრა 11 395 800 ლარით, ხოლო ხარაგაულის მუნიციპალიტეტის  2019 წლის ბიუჯეტის გადასახდელები 7 725  800  ლარი  გაიზარდა 7 632 966 ლარით და განისაზღვრა  15 358 766    ლარით. საკითხის განხილვისას ბიუროს წევრებმა  შენიშვნები გამოთქვეს. მათი განცხადებით რეგიონული განვითარების ფონდიდან გამოყოფილი 3 670 000 ლარი არ ითვალისწინებს იმ პროექტების განხორციელებას, რომელიც საკრებულომ მოიწონა. მერიის ინფრასტრუქტურის სამსახურში განმარტავენ, რომ სწორედ იმ 41 პროექტიდან შეირჩა პირველ ეტაპზე დასაფინანსებელი პროექტები, რომელიც საკრებულომ მოიწონა, ხოლო პრიორიტეტი ინფრასტრუქტურის სამინისტროსთან შეთანხმებით იმ ობიექტებს მიენიჭა, რომლის პროექტიც ნაყიდი ქონდა მერიას.  ინფრასტრუქტურის სამსახურს დაწყებული აქვს ახალი პროექტების შეძენა და დაფინანსების მეორე ეტაპზე გზები სხვა სოფლებშიც დაიგება. ზემოთ აღნიშნულ საკითხს საკრებულოს დეპუტატები 19 იანვრის რიგგარეშე სხდომაზე განიხილავენ.
სრულად
http://new.admin.kharagauli.ge/images/fghjfghjmcbc.JPG
15/01/2019 16:51

გამოკითხვის შედეგად მოსახლეობამ ხარაგაულის მერის საქმიანობა დადებითად შეაფასა

ხარაგაულის მუნიციპალიტეტის მერიის ოფიციალურ facebook გვერდზე გამოკითხვა - როგორ აფასებთ ხარაგაულის მერის საქმიანობას, ექვსი დღის განმავლობაში მიმდინარეობდა. გამოკითხვის შედეგად, მასში მონაწილეთა რაოდენობის მიხედვით, ადამიანთა 94%-მა ხარაგაულის მერის, ნიკოლოზ თოფურიძის საქმიანობა დადებითად შეაფასა, დანარჩენმა 6%-მა კი - უარყოფითად! მადლობა ყველას ვინც მიიღო მონაწილეობა გამოკითხვაში და ღიად დააფიქსირა საკუთარი აზრი. თქვენი შეფასება ჩვენთვის მნიშვნელოვანია! განსაკუთრებული მადლობა მათ ვინც კრიტიკულია. ჩვენ გულისყურით ვუსმენთ განსხვავებულ აზრს, ღიად ვსაუბრობთ პრობლემებზე და გუნდურად ვიღებთ გადაწყვეტილებებს. აქვე გაცნობებთ, რომ ხარაგაულის მერი, ნიკოლოზ თოფურიძე იწყებს გასული ერთი წლის საქმიანობის ანგარიშის წარდგენას მოსახლეობასთან. შეხვედრების განრიგს მიადევნეთ თვალი ხარაგაულის მუნიციპალიტეტის ვებ გვერდზე kharagaulinews.gov.ge და facebook გვერდზე.        
სრულად
http://new.admin.kharagauli.ge/images/gazeTis/sdfghjhgkjhk.jpg
14/01/2019 17:06

ხარაგაულის მერმა თეატრალურ საზოგადოებას ქართული თეატრის დღე მიულოცა

„ქართული თეატრის დღეს გილოცავთ ჩემო ნიჭიერო ხალხო. ხარაგაულის და ამ ხალხის სიყვარულით, რომ აკეთებთ წარმოუდგენლად ბევრს და ძალიან ხარისხიანად, ამას აქვს უდიდესი მნიშვნშვნელობა და ეს არის პროფესიონალიზმი. იცით, რომ ნებისმიერ დროს ვარ თქვენ გვერდით და რაც შემეძლება ხელშეწყობას არ დავიშურებ.“  - ამ სიტყვებით მიულოცა  ხარაგაულის მუნიციპალიტეტის მერმა,  ნიკოლოზ თოფურიძემ ოთარ აბაშიძის სახალხო და რეზო თაბუკაშვილის ლიტერატურული თეატრის წარმომადგენლებს  ქართული თეატრის დღე  და მათ შემოქმედებითი წინსვლა უსურვა. საქართველოში პირველი სპექტაკლი - „გაყრა“ გიორგი ერისთავმა 1850 წლის 14 იანვარს  დადგა. სწორედ მოვლენას უკავშირდება ქართული თეატრის დღის აღნიშვნა.     
სრულად
http://new.admin.kharagauli.ge/images/gazeTis/fghghjghjkj.JPG
11/01/2019 14:46

სოფლის მხარდაჭერის პროგრამის ფარგლებში საინფორმაციო შეხვედრა გაიმართა

დღეს ხარაგაულის მუნიციპალიტეტის მერის პირველმა მოადგილემ, არჩილ მაღრაძემ სოფლის მხარდაჭერის პროგრამის ამოქმედებასთან დაკავშირებით შექმნილ სამუშაო ჯგუფთან, პირველი, საინფორმაციო ხასიათის შეხვედრა გამართა. არჩილ მაღრაძის ინფორმაციით, იწყება სოფლისთვის და რეგიონისთვის ძალიან მნიშვნელოვანი პროგრამა, რომელიც რეგიონებში განსახორციელებელი პროექტების ფონდის შემადგენელი ნაწილია და მოსახლეობის მაქსიმალურ ჩართულობას ითვალისწინებს. ხარაგაულის მუნიციპალიტეტისთვის აღნიშნული პროგრამის ფარგლებში 430 000 ლარია გამოყოფილი. ხარაგაულის მუნიციპალიტეტის მერმა, ნიკოლოზ თოფურიძემ უკვე გამოსცა ბრძანება, რომლის საფუძველზე, მერის წარმომადგენლებთან შეთანხმებით შედგა სოფლის საერთო კრებების ჩატარების გრაფიკი . გრაფიკის მიხედვით, ხარაგაულის სოფლებში საერთო კრებების ჩატარება 1 თებერვლიდან დაიწყება და 28 თებერვალს დასრულდება. გრაფიკშივე მითითებულია თანხა, რომელიც სოფლის მოსახლეობის რაოდენობის მიხედვითაა განსაზღვრული. შეხვედრების დაწყებამდე მერის წარმომადგენლები, მოსახლეობაში გაავრცელებენ საპროექტო წინადადების ფორმას, რომელსაც შემდეგ წარმოადგენენ ინფრასტრუქტურის სამსახურში. მოსახლეობის მიერ უკვე შერჩეული იდეების განხილვა მოხდება სოფლის საერთო კრებაზე, სადაც ჩატარდება ფარული კენჭისყრა და დაფინანსდება პროექტი, რომელიც მეტ ხმას მიიღებს. შეხვედრაზე სამუშაო ჯგუფმა განიხილა ასევე, რამდენიმე მნიშვნელოვანი საკითხი, კრებების დაგეგმვასთან და მის სამართლებრივად სწორად წარმართვასთან დაკავშირებით. სოფლის მხრადჭერის პროგრამის მიმდინარეობის შესახებ პერიოდულად, დეტალურ, ინფორმაციას გაეცნობით ხარაგაულის მუნიციპალიტეტის ვებ გვერდზე kharagaulinews.gov.ge.
სრულად