სიახლეები
http://new.admin.kharagauli.ge/images/ghjkghnm%20b.JPG
12/03/2019 16:19

„რა? სად? როდის?“ გამარჯვებული დაბა ხარაგაულის გუნდი გახდა

12 მარტს ხარაგაულის კინოთეატრში მერიის კულტურის, განათლების, სპორტისა და ახალგაზრდობის საქმეთა სამსახურის ორგანიზებით,  ადმინისტრაციულ ერთეულებს შორის, „რა? სად? როდის?“ ფინალური შეხვედრა  გაიმართა. ფინალურ შეხვედრაში ერთმანეთს დაბა ხარაგაულის, მოლითის, ბაზალეთისა და კიცხის ადმინისტრაციული ერთეულები დაუპირისპირდნენ. გუნდები 6-6 კაცისგან იყო დაკომპლექტებული.  თამაში კი 20 კითხვისგან შედგებოდა. გამარჯვებული დაბა ხარაგაულის გუნდი გახდა, რომელმაც 16 ქულა მოიპოვა, ხოლო მეორე ადგილი 13 ქულით კიცხის ადმინისტრაციულმა ერთეულმა დაიკავა. „რა? სად? როდის?“ წამყვანის, დავით ჩადუნელის ინფორმაციით, პირველ ორ ადგილზე გასული გუნდი ექსკურსიით დასაჩუქრდება. ყველა მონაწილე გუნდს საჩუქრად საკუთარი გუნდის ფოტო გადაეცა.
სრულად
http://new.admin.kharagauli.ge/images/ghjkmhmvb_1.JPG
12/03/2019 16:12

ხარაგაულის ზრდასრულთა განათლების ცენტრში სწავლება მოქალაქეებს უფასოდ შეეძლებათ

ხარაგაულში ზრდასრულთა განათლების ცენტრი გაიხსნება. სასწავლებელში მსურველები მეფუტკრეობას, ხეზე კვეთას, ტრადიციულ ქართულ სამზარეულოს,  ფეხსაცმლის დიზაინს, თექისა, ჭრა-კერვის, ქსოვისა (მაკრამეს) და  ხალხურ ინსტრუმენტზე დაკვრის სამ თვიან კურსს გაივლიან. სასწავლებელში 18 წლის ზემოთ მოქალაქეები მიიღებიან, რომლებიც უფასოდ შეისწავლიან მათთვის სასურველ პროფესიას. დაინტერესებულმა პირებმა უნდა წარადგინონ განცხადება და პირადობის მოწმობა სასწავლებლის ადმინისტრაციაში. სასწავლებელი განთავსებულია სოლომონ მეფის N19 -ში, პოლიციის ყოფილ ძველ შენობაში, რომელსაც ჩაუტარდა შესაბამისი სარემონტო სამუშაოები და ასევე აღიჭურვა საჭირო ავეჯით. არასამთავრობო ორგანიზაციის „წიფლარის“ დამფუძნებლისა და პროექტის კოორდინატორის მანანა ტაბაშიძის ინფორმაციით  სასწავლებელში  მსურველთა საბუთების მიღება უკვე მიმდინარეობს და ჯგუფების ჩამოყალიბების შემდეგ  სწავლება დაიწყება. პროექტი ხარაგაულში არასამთავრობო ორგანიზაცია „წიფლარი“ სახალხო უნივერსიტეტთა გერმანული ასოციაციის  საქართველოს ოფისის საგრანტო დაფინანსებით ხორციელდება. საქართველოში, სახალხო უნივერსიტეტთა გერმანული ასოციაციის საქართველოს ოფისის დაფინანსებით, სულ თერთმეტი პროფესიული  სასწავლებელია შექმნილი. ხოლო იმერეთის რეგიონში პირველი ხარაგაულია.
სრულად
http://new.admin.kharagauli.ge/images/ghjkghjkhm.jpg
11/03/2019 17:24

„მოსიარულე სიკეთე“ ხარაგაულის ლიტერატურული თეატრის პრემიერა

10 მარტს ხარაგაულის რეზო თაბუკაშვილის სახელობის სახალხო ლიტერატურული თეატრის მსახიობმა და რეჟისორმა, იზა ვეფხვაძემ თბილისის მოსწავლე-ახალგაზრდობის სახლში სპექტაკლის „მოსიარულე სიკეთე“ პრემიერა გამართა. მონო-სპექტაკლი საუცხოო მსახიობს, ბატონ იაკობ ტრიპოლსკის ცხოვრებას და შემოქმედებას მიეძღვნა. პრემიერა მსახიობის დაბადებიდან 100 წლის იუბილეს მიეძღვნა. თეატრის რეჟისორის ინფორმაციით, იაკობ ტრიპოლსკისადმი მიძღვნილი ლიტერატურული სპექტაკლის ჩვენება ხარაგაულში, მაისის თვეში გაიმართება. სპექტაკლის პრემიერას ბაღდათი-ხარაგაულის მაჟორიტარი დეპუტატი კობა ლურსმანაშვილი და საქართველოდან და უცხოეთიდან მოწვეული სტუმრები დაესწრნენ. ხარაგაულის რეზო თაბუკაშვილის სახელობის ლიტერატურულ თეატრს ამ დროისთვის 60 მონო-სპექტაკლი აქვს დადგმული.
სრულად
http://new.admin.kharagauli.ge/images/hjcgncv.jpg
11/03/2019 14:38

ხარაგაულში უხუცესი აღმზრდელები გაიხსენეს

ემოციურად წარიმართა 7 მარტს უხუცეს აღმზრდელებთან შეხვედრა ხარაგაულის საბავშვო ბაღში. სკოლამდელ დაწესებულებათა გაერთიანების ორგანიზებითა და ხარაგაულის მუნიციპალიტეტის მერიის მხარდაჭერით ხარაგაულში, დღეს, ის ღვაწლმოსილი აღმზრდელები გაიხსენეს, რომელთაც 40 წელზე მეტი ბავშვებისა და მომავალი თაობების აღზრდას შეალიეს. გაერთიანების თანამშრომლების მიერ მომზადებული ფოტოკოლაჟი, რომელიც 30-აინი წლებიდან მოყოლებული ხარაგაულის საბავშვო ბაღების ისტორიას ასახავდა, განსაკუთრებით საინტერესო და ამაღლვებელი აღმოჩნდა აღმზრდელებისთვის.  მოწვეულ სტუმრებს დედის დღე და რვა მარტი მიულოცა ბაღების გაერთიანების დირექტორმა, მამუკა ჭიპაშვილმა, მერიის კულტურის სამსახურის უფროსმა, ირინე ჩხეიძემ, ისტორიული მუზეუმის წარმომადგენელმა, ეკა შველიძემ, რომელმაც, ისტორიული მუზეუმის ხელმძღვანელის, ნინო დიდიძის მიერ მოწოდებული მართლაც, უნიკალური ფოტო-მასალის ისტორია გააცნო აღმზრდელებს.  უხუცესმა აღმზრდელებმა გაიხსენეს თავიანთი მოღვაწეობის პერიოდი, როგორ დაუკავშირდა მათი ცხოვრება საბავშვო ბაღს და ბავშვებს. მადლობა გადაუხადეს ღონისძიების ორგანიზატორებს, გახსენებისთვის და ამაგის დაფასებისთვის.  #1 საბავშვო ბაღის აღსაზრდელებმა რამდენიმე მუსიკალური ნომერი შეასრულეს და საპატიო სტუმრებს თავიანთი ხელით დამზადებული ყვავილების კალათები გადასცეს. ღვაწლმოსილ აღმზრდელებს მერიის კულტურის სამსახურის სახელით ფასიანი საჩუქრები და დამსახურების სიგელები გადაეცათ.
სრულად
http://new.admin.kharagauli.ge/images/ghjngh_1.jpg
11/03/2019 14:30

ხარაგაულში სკვერების რეაბილიტაცია დაიწყო

ხარაგაულის მუნიციპალიტეტში ინფრასტრუქტურული პროექტის ფარგლებში, 11 სკვერის სარეაბილიტაციო სამუშაოები დაიწყო. პროექტის ფარგლებში დაგეგმილია განათების სისტემის, ძელ-სკამებისა და დაზიანებული ბორდიურების აღდგენა. პატარა ხარაგაულის სკვერში გათვალისწინებულია პატარებისთვის სათამაშო ატრაქციონის დამონტაჟება და სპორტული მოედნის მოწყობა.  მთლიანად განახლდება ხარაგაულის მერიის წინ მდებარე სკვერი. პროექტის ღირებულება 168 778 ლარს შეადგენს, რომელსაც ტენდერში გამარჯვებული კომპანია შპს „ჭედა“ ასრულებს. სამუშაოები აპრილის ბოლოს დასრულდება. ხარაგაულში არსებული სკვერები: 1. ჩოხოსნების სკვერი; 2. თამაზ კიკნაძის სახელობის სკვერი; 3. მერიის წინ, 9 აპრილის ქ. N15-ში მდებარე სკვერი; 4. ვეფხვია ღონღაძის სახელობის სკვერი; 5. დაბაში, ცენტრალური პარკის წინ მდებარე სკვერი (მემორიალთან); 6. დაბაში 9 აპრილის სახელობის სკვერი (ხარაგაულის სახანძრო-სამაშველო განყოფილებასთან); 7. ე.წ. „დევების სკვერი“ 8. ევგენი ხარაძის სახელობის სკვერი; 9. ეკლესიისკენ მიმავალ გზაზე მდებარე სკვერი; 10. პატარა ხარაგაულში მდებარე სკვერი; 11. დაბაში სპორტსკოლის მიმდებარედ არსებული სკვერი. 
სრულად
http://new.admin.kharagauli.ge/images/khkjhkjh.jpg
11/03/2019 14:25

ზაურ ბერაძემ ევროპის ჩემპიონატზე ბრინჯაოს მედალი მოიპოვა

ევროპის ჩემპიონატზე თავისუფალი სტილით ჭიდაობაში ხარაგაულელმა ზაურ ბერაძემ მესამე ადგილი აიღო და ბრინჯაოს მედალი მოიპოვა. საქარველოს თავისუფალი სტილით მოჭიდავეთა 23 წლამდელთა ნაკრებმა სერბეთში მიმდინარე ევროპის ჩემპიონატში მიიღო მონაწილეობა. პირველ დღეს, ქართველმა ფალავნებმა 4 მედალი - 1 ვერცხლი და 3 ბრინჯაო მოიპოვეს. ხარაგაულელი ზაურ ბერაძემ (86 კგ) კი, 10 მარტს, გადამწყვეტ ბრძოლაში, ბელარუს პაჰასიანს 4-2 მოუგო და ბრინჯაოს პრიზიორი გახდა. ვულოცავთ ზაურ ბერაძეს ამ გამარჯვებას და წარმატებებს ვუსურვებთ!        
სრულად
http://new.admin.kharagauli.ge/images/hkjlg%2Cbjnm%2C_1.jpg
07/03/2019 15:24

მუნიციპალიტეტის პირველობა მინი ფეხბურთში ვარძიის გუნდმა მოიპოვა

"სპორტისა და შიდა ტურიზმის ცენტრის" ორგანიზებით ხარაგაულის სპორტულ დარბაზში მუნიციპალიტეტის პირველობა საჯარო სკოლებს შორის მინი ფეხბურთში, ორი დღის განმავლობაში მიმდინარეობდა. ჩემპიონატში მონაწილეობა მიიღეს: ხარაგაულის სასულიერო გიმნაზის, მესამე საჯარო სკოლის, ბორითის, ზვარის, ვარძიის, ხიდრის, ბორის სკოლა პანსიონის, კიცხის და ლეღვნის საჯარო სკოლის გუნდებმა. 6 მარტს პირველ ნახევარფინალურ შეხვედრაში ვარძიის საჯარო სკოლამ  ბორითის გუნდი ანგარიშით 4:0 დამარცხა, ხოლო მეორე ნახევარფინალი ხიდრისა და N3 საჯარო სკოლის გუნდებს შორის გაიმართა, რომელიც დაბის სკოლის გამარჯვებით 3:1 დამთავრდა. 7 მარტს გამართულ ფინალურ შეხვედრაში ერთმანეთის ვარძიისა და  N3 საჯარო სკოლის გუნდები დაუპირისპირდნენ. თამაში ვარძიის გუნდის სასარგებლოდ 3:2 დასრულდა. მონაწილე გუნდებს სიგელები და სამახსოვრო საჩუქრები გადაეცათ.
სრულად
http://new.admin.kharagauli.ge/images/bjnk%2Cbnm.jpg
07/03/2019 11:56

410 000 ლარი საჯარო სკოლების რეაბილიტაციისთვის

6 მარტს ხარაგაულის საგანმანათლებლო  რესურსცენტრის უფროსმა, მარინე ვეფხვაძემ საჯარო სკოლების დირექტორებთან  სამუშაო შეხვედრა გამართა. შეხვედრას, სადაც სკოლების ინფრასტრუქტურული მდგომარეობა განიხილეს, მუნიციპალიტეტის მერიის ინფრასტრუქტურისა და კეთილმოწყობის სამსახურის უფროსი, თემური თაბუკაშვილი ესწრებოდა. ხარაგაულის საჯარო სკოლებს ინფრასტრუქტურის მოსაწესრიგებლად სახელმწიფო ბიუჯეტიდან 410 000 ლარი გამოეყო.  ამასთან ერთად, კიცხში ახალი სკოლა აშენდება, ხოლო წყალაფორეთის, ვერტყვიჭალისა და მარელისის სკოლების რეაბილიტაციას მუნიციპალური განვითარების ფონდი დააფინანსებს. როგორც შეხვედრაზე აღინიშნა თითქმის ყველა სკოლაში არის პრობლემები, თუმცა გამოყოფილი თანხით ყველა პრობლემის მოგვარება ვერ მოხერხდება. სწორედ ამიტომ 410 000 ლარი იმ სკოლებზე გადანაწილდება, რომელთაც გამოუვალი მდგომარეობა აქვთ. განსაკუთრებით მძიმე მდგომარეობაა დაბის N3 სკოლაში. მიმდინარეობს სამუშაოები დაფინანსების მოსაპოვებლად, რათა მოხდეს მისი სრული რეაბილიტაცია. საგანმანათლებლო რესურსცენტრის უფროსის, მარინე ვეფხვაძის ინფორმაციით, ამ ეტაპზე, მიმდინარეობს სახელმწიფო ბიუჯეტიდან გამოყოფილი თანხის სკოლებზე გადანაწილება. რა თქმა უნდა, პირველ რიგში, ის სკოლები დაფინანსდება, რომელთაც შედარებით რთული მდგომარეობა აქვთ.
სრულად
http://new.admin.kharagauli.ge/images/fhjcg.jpg
07/03/2019 11:36

მუსიკალური ბენდი „გრავე“ და საგაზაფხულო კონცერტი ხარაგაულში

6 მარტს ხარაგაულის კინოთეატრში მერიის კულტურის სამსახურისა და სამუსიკო სკოლის ერთობლივი სარვამარტო ღონისძიება გაიმართა. ღონისძიებას ცოცხალი მუსიკით აფორმებდა სამუსიკო სკოლასთან არსებული მუსიკალური ბენდი „გრავე“, რომელმაც მსმენელის დიდი მოწონება დაიმსახურა. კონცერტზე სპეციალური მოწვევით იმყოფებოდა გია კურტანიძე. ასევე, მონაწილეობდნენ სალომე კვირიკაშვილი, მარიამ მანჯავიძე, თამთა კიკნაძე, ლიზი და ქრისტინე ლაცაბიძეები, ნიცა ზუმბაძე, ნინი ჩერქეზიშვილი, გიორგი მაქაძე, გოგონათა გუნდი და ჯგუფი „ედელვაისი“. კონცერტი  მერიის კულტურის სამსახურის უფროსს, ირინე ჩხეიძეს მიჰყავდა. ღონისძიებას ხარაგაულის მუნიციპალიტეტის მერი, ნიკოლოზ თოფურიძე, ადგილობრივი თვითმმართველობის წარმომადგენლებთან ერთად ესწრებოდა, რომელმაც ხარაგაულელ ქალბატონებს გაზაფხულის დღესასწაულები მიულოცა და მადლობა გადაუხადა კონცერტის ორგანიზატორებსა და მონაწილეებს ასეთი სასიამოვნო დღისთვის. კონცერტის დაწყებამდე კინოთეატრის ფოიეში, მერიის კულტურის სამსახურის ორგანიზებით ასევე, ქალთა ნამუშევრების გამოფენა  მოეწყო.
სრულად
http://new.admin.kharagauli.ge/images/_DSC0110.JPG
06/03/2019 17:30

ერთი დღით - მამაკაცები აღმზრდელებად

6 მარტს ხარაგაულის საბავშვო ბაღებში მისულ პატარებს აღმზრდელებად მამაკაცები დახვდნენ.  მათ საბავშვო ბაღის აღმზრდელის ფუნქცია შეითავსეს და დღის განმავლობაში, აღმზრდელის თანაშემწეებთან ერთად, წარმართეს აქტივობები.  აქცია - „ერთი დღით მამაკაცები აღმზრდელებად“ ხარაგაულის მუნიციპალიტეტის გენდერული თანასწორობის საბჭოსა და სკოლამდელ დაწესებულებათა გაერთიანების ორგანიზებით, ხარაგაულის მუნიციპალიტეტის ყველა საბავშო ბაღში განხორციელდა.  სკოლამდელ დაწესებულებათა გაერთიანების დირექტორის მამუკა ჭიპაშვილის განცხადებით აქცია - „ერთი დღით მამაკაცები აღმზრდელებად“ ერთგვარად იმ სტერეოტიპის მსხვრევის მცდელობაა, რომ საბავშვო ბაღის აღმზრდელებად მხოლოდ ქალები არ უნდა მუშაობდნენ. აქციაში მერიის და საკრებულოს თანამდებობის პირები და თანამშრომლები ჩაერთვნენ, N1 საბავშვო ბაღში  მამაკაცი აღმზრდელთა ფუნქციები შეითავსეს: თეიმურაზ ჩხეიძემ, დავით კიკნაძემ,  ალექსანდრე ტაბატაძემ, ზურაბ იჩქიტიძემ, ნიკოლოზ მაჭავარიანმა, ალექსანდრე ტაბატაძემ, დავით ჩადუნელმა ხოლო ხარაგაულის N2 საბავშვო ბაღში-ვალერი ჭიპაშვილმა და ოთარ ლურსმანაშვილმა. ,,მამაკაცმა აღმზრდელებმა“ აღნიშნეს, რომ, მათთვის ძალიან განსაკუთრებული და დასამახსოვრებელი დღე იყო. ზურაბ იჩქიტიძე: ,,აღმზრდელის პროფესია საკმაოდ რთული და საპასუხისმგებლოა, ამავე დროს ძალიან სასიამოვნოც, რადგან პატარებთან გაქვს შეხება, ვფიქრობ კარგად უნდა იცნობდე თითოეულ ბავშვს, უნდა შეგეძლოს მათი აზრის გათვალისწინება, მათი მოსმენა , რა ჭირდებათ და რა უნდათ.  4-5 წლიანთა ჯგუფი შემხვდა,  მათ გაზაფხულზე და ბუნებაზე ვესაუბრე,  დიდი გულისყურით მისმენდნენ, კარგად გაერთნენ და მეც დადებითი ემოციებით ავივსე. დრო ძალიან ჩქარა გავიდა. ასეთ პროექტში დიდი სიამოვნებით მივიღებ კიდევ მონაწილეობას.“ ინგა ბერაძე - მერის თანაშემწე გენდერულ საკითხებში, გენდერული თანასწორობის საბჭოს მდივანი ,,ძალიან საინტერესო სანახავი იყო მამაკაცები აღმზრდელებად, ზოგი ძალიან თავისუფლად მოერგო ამ საპასუხისმგებლო მისიას, ზოგს გაუჭირდა, მათ სულ სხვა თვალით შეაფასეს და გადააფასეს აღმზრდელის შრომა და სრულად გაითავისეს ის დიდი პასუხისმგებლობა, რაც აღმზრდელობით საქმიანობას ახლავს თან . ამ აქტივობის მთავარი მისიაც სწორედ ეს იყო. ჩვენი მიზანია, საზოგადოებაში საუბრობდნენ გენდერზე, გენდერულ თანასწორობაზე, მის მნიშვნელობასა და როლზე. ამ თემების გაცნობიერება პირველ რიგში სწორედ ბაღიდან და სკოლიდან უნდა დაიწყოს. ჩვენი გვსურს, შევახსენოთ საზოგადოებას, რომ გენდერული თანასწორობა უმნიშვნელოვანეს საკითხს წარმოადგენს არა მხოლოდ ქალებისთვის, არამედ მამაკაცებისთვის და ზოგადად, საზოგადოებისთვის. ძალიან მნიშვნელოვანია, ბავშვის აღზრდა -განვითარების საქმეში ქალისა და მამაკაცის თანაბარი მონაწილეობა. მადლობა მინდა ვუთხრა ბაღების გაერთიანების დირექტორს მამუკა ჭიპაშვილს დღევანდელი საინტერესო აქტივობისთვის, რომელიც პირდაპირ პასუხობს ხარაგაულის მუნიციპალიტეტის გენდერული თანასწორობის საბჭოს სამოქმედო გეგმით გაწერილ ამოცანებს. უახლოეს მომავალში, ჩვენ კვლავ გვექნება აქტივობები, რომელთა მთავარი მიზანი გენდერული თანასწორობის თემაზე საზოგადოების ცნობიერების ამაღლება იქნება. საბჭოს წევრები აქტიურად მუშაობენ იდეებზე, რომლებსაც გენდერული თანასწორობის საბჭოსთან ერთად განახორციელებენ.“ აღნიშნული ღონისძიება „ერთი დღე მამაკაცები აღმზრდელებად“, ხარაგაულის საბავშვო ბაღებში, სარვამარტო კვირეულის ფარგლებში ჩატარდა.  
სრულად